Mabahoe nga problema makara it Indonesian government ro pagbaligya it karne it ayam bilang konsumo para malikawan ro COVID-19 virus.
Kasunod kara, maabong mga animal advocate sa nasyun ro nagakondina it nasambitan nga hirimuon.
May pagpati ro pila ka mga Indonesians nga pwede gamiton ro karne it ayam para matapna ag malikawan ro maeain-eain nga mga sakit kapareho eun eamang it asthma, dengue, ag COVID-19 ro pagkonsumo it nasambitan nga karne.
Ro Sulawesi, Indonesia hay kilaea nga traditional market sa pagbaligya it maeain-eain nga karne it sapat kaeakip eun dikara ro karne it ayam.
Nasayuran nga ro nasambitan nga lugar hay ginakonsidera nga High-Risk Countries for Dog Rabies.
Sa makara, nagpaguwa eun ro Indonesian government it kasuguan nga nagabawae sa pagpatay ag pagbaligya it karne it ayam./JIL B. LACSON
