May pilang residente ro nagpa blotter sa barangay hall itPolo sa banwa it New Washington, kaangot sa ginasugid nga pilang fish cages nanda nga nasamad matapos masagi it umagi nga mabahoe nga barge.
Sa interview it BRIGADA NEWS FM KALIBO kay Punong Barangay Ariel Relato it Brgy. Polo, base sa mga complainant, may umagi nga barge nga pasueod sa Poblacion nga umagi sa Lagatik river kung siin igto nahamtang ro pilang fish cages ag taeabahan.
Mabahoe segun ro nasambit nga barge, pero owa pa segun it nagaagto sa andang barangay hall kung sin o ro matuod nga tag ana it barge.
Suno pa kay Kapitan Relato, mabahoe ro epekto it pagkasamad sa pilang fish cages bangud raya ro ginaboe an it pangabuhian it pilang mga residente igto.
Ginhambaean man segun ni Kapitan Relato nga magpa blotter ro mga complainant sa pulis para masayran kung sin o ro responsable ag dapat nga magpanabat sa nasambit nga insidente.
Samtang, bukas segun ro mga complainant sa pakikipag negosasyon sa kung sin o ro dapat nga magpanabat sa natabo, basta mapaayos eang ro mga nasamad nga fish cages ag taeabahan. // ANN DESLENE SALAZAR
