HUGOT nga health protocols ang ipatuman sa Commission on Election (Comelec) atol sa filing of candidacies sa Oktubre alang sa 2022 election. Matud ni Atty. April Mitchor- Miguel, Comelec officer sa Alabel, Sarangani Province luyo sa pagsaka sa kaso sa Covid-19.
Rekisitos gihapon ang physical nga pag-adto sa ilang buhatan sa magpapili aron pag-file og candidacy sa Oktubre 01-08. Ilawom sa Comelec Resolution 10717, dili na rekisitos sa Comelec alang sa local ang pagpresenta og negatibong resulta sa antigen o RT-PCR test. Dili sama sa national sama sa mopapili sa posisyon sama sa president, vice president, senator, party-list nga kinahanglang magpresenta niini.
Giklaro ni Miguel nga limitahan nila ang pagsulod sa suporta sa kandidato sa ilang buhatan. Asa sa Political Party duha lang ka escort ang gitugotang makasulod ug usa sa independent aron malikayan ang mass gathering. Rekisitos usab ang pagsuot og face mask ug face shield ug kinahanglan ang health declaration sa filing sa COC. ( Richel Gubalani)
