LEGAZPI CITY – Aabot sa PHP100M halaga ang inilaan ng lokal na pamahalaan ng Daraga, Albay sa pagsasagawa ng kanilang sariling sanitary landfill.
Ayon kay Daraga Municipal Environment and Natural Resources Officer, Engr. Johnvic Grageda, bibili sila ng 15 ektarya ng lupa sa Brgy. Talahib at Brgy. San Ramon.
Sinabi niya, magiging kasagutan ang nasabing proyekto upang hindi na magbayad pa ang LGU sa bawat pag-dispose ng mga basura.
Dagdag pa nito, sinabi rin niyang mas pahihigpitin pa nila ang pagpapatupad ng ecological solid waste management upang ma-manage nang maayos ang mga basura sa bayan.
Samantala, itatalaga rin ang mga tauhan ng Task Force Kalinigan na silang magmo-monitor sa kapaligiran at magbibigay ng citation tickets sa mga lumalabag at sa mga hindi sumusunod sa tamang pagse-segregate ng basura.
