Ginkumpirma it Provincial Health Office (PHO) nga nagaabot eun sa 112 ro mga aktibong kaso it dengue sa probinsiya, 304% nga mas mataas kumpra sa narekord nga kaso sa pareho nga tiempo ku nagtaliwan nga dag-on.
Nagrekord man ro probinsiya it daywa ka pagkamatay sa nasambitan nga sakit halin sa mga banwa it Banga ag Numancia.
Daywa ka mga kabarangayan man sa Malay ag Nabas ro may clustering it mga kaso it dengue.
Samtang ro banwa man it Ibajay ro nakarekord it pinakaabong kaso nga nagaabot sa 23; ginsundan it Malay nga may 20; Kalibo nga may 17; Nabas nga may 11; ag Numancia nga may 7.
Ginpahanumduman man it PHO-Aklan ro publiko nga mahugot nga subaybayan ro andang palibot agud malikawan ro pag-abo it lamok nga nagadaea it dengue./JIL B. LACSON
