LEGAZPI CITY – Natapos na an duwang aldaw na Philippine Coast Guard Auxiliary (PCGA) National Convention na ikinondusir kan Mayo 24-25 sa Legazpi City Convention Center.
Sa intrevista kan Brigada News FM Legazpi kay PCG Bicol CG Ensign Dwan Grace Detoyato, sinabi kaini na dakula an naitatabang kan PCGA nin huli ta ini an civilian volunteers na kaiba kan PCG sa pag-abot sa mga Bicolano asin kaibahan sa pagpapautob kan mga programang ikakarahay kan maritime sector.
Pinag-orolayan digdi an mga plano nganing mas mapamaray an maritime sector, asin an mga akomplisimento kaini.
Segun pa kay Detoyato, piglalaoman na sa paagi kan national convention, mas mapapakusog an kolaborasyon kan PCG asin PCGA orog na sa mga panahon ki emerhensya asin mga bagyo.
