DILI undangan sa usa ka magbabalaud ang Philippine Health Insurance Corporation (PhilHealth) hangtud dili niini isaka ang case rates.
Kini ang bahad ni Senador Christopher “Bong” Go, Chairperson sa Senate Committee on Health.
Matud ni Go, dili niya undangan ang maong government-owned and controlled corporation (GOCC) corporation. Hangtud dili kini makapatuman og maayo sa ilang mga programa.
Giawhag sa senador ang PhilHealth nga isaka ang case rate, palapdon ang mga benepisyo ug girekomenda ang pagpaubos sa premium contributions sa mga miyembro tunga sa pagkaangon og dughang pondo sa ilang kaban. Samtang gimugna sa PhilHealth ang All Case Rates Policy, ang mekanismo sa pagbayad alang sa inpatient care pinaagi sa case-based provider system.
Asa ang ospital ang i-reimbursed sa matag discharged patient ug pre-determined rates.
Sigurohon usab ni Go nga ginahimo og maayo ug makabenepisyo ang publiko sa health care policy. I Richel Gubalani
