GILAOMAN sa LGU-GenSan ang pag-attract og naa sa 500- 600,000 ka turista dungan sa ika-26 Tuna Festival sa GenSan sunod bulan.
Matud ni Joey Concepcion, festival director naa sa liboan nga tourist arrival ang ilang gilaoman sa week-long nga Tuna festival.
Dugang sa opisyal, gilaoman nila nga mosaka pa ang tourist arrival sa GenSan domestic man o international sa panahon sa festival.
Nakig-alayon usab ang LGU sa mga prominenteng mga hotels, malls ug ubang self-styled accommodations, ug dormitels.
Kini dungan sa paglaom nga daghang mga turista ang mag-homestay sa GenSan dungan sa maong festival.
Kahibaloan nga gawas sa Tuna festival, dungan usab ipahigayon ang tinuig nga National Tuna Congress nga tambongan sa mga bigtime player sa tuna industry sa nasud.
Ang Tuna Festival karong tuiga ang gipondohan sa LGU og naa sa P15 milyon taas kini tandi sa P9 milyon nakalabay’ng tuig. I Richel Gubalani
