Magsasagawa ng Multilateral Maritime Cooperative Activity ngayong araw ang Pilipinas, Australia, Estados Unidos, Japan at New Zealand.
Ayon sa Armed Forces of the Philippines, ito na ang ika-apat na MMCA na isasagawa sa exclusive economic zone ng bansa.
Ito anila ay isang “collective committment” na mas lalo pang magpapatibay sa regional at international cooperation ng mga nabanggit na bansa para sa isang malaya at bukas na Indo-Pacific region.
Iginiit din ng Sandatahang Lakas ng Pilipinas na ang MMCA ay isasagawa alinsunod sa international law.
