LEGAZPI CITY – Iinguwahon kan gobyerno-probinsyal kan Albay na mapondohan an modernisasyon kan mga PGA-run hospitals sa Albay.
An inisyatibang ini ipig-promesa mismo kan Gobyerno Probinsiyal kan Albay na magkaigwa nin maninigong fundo para sa modernisasyon kan mga ospital sa naunambitan nang provincia.
Segun sa gobernador kan Albay na si Edcel Greco Lagman, dahil sa uminaging pandemya kan mga nakalihis na taon, nasukol subuot an importancia kan mga ospital asin iba pang healthcare facilities sa provincia.
Dugang pa ni Lagman, nahiling an dedikasyon kan mga frontline worker sa paghampang sa manlaen-laen na problema manungod sa sektor kan salud.
Ini sinabi kan gobernador sa tahaw kan selebrasyon kan National Hospital Week na may temang “Sulong Kalusugan: Ospital Maaasahan” na ipigsasagibo sa Josefina Belmonte Duran Albay Provincial Hospital (JBDAPH).
Nagpasalamat man an gobernador sa mga mga doctor, mga personahes kan mga ospital, asin iba pang naging parte kan matrayumpong paghampang sa uminaging pandemya.
