LEGAZPI CITY – Pwedesir su boot makaapektar sa salud an pagpenitensya o flagellation.
Ini an sinabi ni Fr. Edwin Bragais, Parochial Vicar kan Albay Cathedral sa Brigada News FM Legazpi.
Sa intrevista saiya, dai niya pig-eenganyar an publiko na magpartisipar sa aktibidad na ini ngunyan na Semana Santa.
Segun saiya, an mga siring na practices, nakakaapektar sa pisikal na aspeto o sa salud, asin mas maray na pag-orolayan na sana an mga preparasyon para sa Lenten Recollection, pabasa, Senaculo, asin pagkukumpisal.
Dugang pa ni Bragais, nagsakripisyo an Mahal na Diyos nganing maligtas an tawo alagad bako boot sabihon na dapat kulugan man an sadiri para sa pagpenitensya.
Segun pa saiya, an rason kun niyata piggigibo ini kan nagkapira, tanganing ipahiling asin ipagirumdom an pisikal na sakrispisyo ni Kristo kan dating panahon.
Mientrastanto, sa ngunyan wara pa man sindang naaraman na nagasagibo kaini sa Legazpi City. | Brigada Intern ROSE ANN MARIE EXCIJA
