LEGAZPI CITY – Piglatag na kan Department of Trade and Industry (DTI) Albay an mga penalidad na posibleng kahampangon kan siisay man mapatotoohang nagbalgar sa Short Changing Act.
Ini an batas na minabawal sa mga business establishments sa dai pagtatao nin uli o sa pag-uli nin kulang sa mga parabakal.
An siisay man na madadakop na magbayolar sa batas na ini, mabayad nin nasa quinientos de pesos (500) bilang first offense, an second offense nagkakantidad man nin cinco mil de pesos (P5,000) asin an third offense man mahahampang nin nasa quince mil de pesos (P15,000).
Nagpagirumdom man an DTI Albay na siguraduhon na tama an uli bago maghale sa tindahan para maibitaran an mga siring na pangyayari.
