Ginatutukan makara it Philippine Drug Enforcement Agency (PDEA) ro nagadaeagan nga mga kandidato sa magaabot nga eleksyon nga nagapangayo it suportang pinansyal halin sa mga sindikato it droga.
Raya ro naging pahayag ni PDEA Region 6 director Alex Tablate.
Kasunod kara, nagpaaandam man ro Police Regional Office 6 (PRO-6) sa mga kandidatong nakipag-angot sa pribadong armadong grupo o mga kriminal.
Dugang pa nana, gainhimo raya it iban nga mga kandidato agud gamiton sanda sa pag-harass o paghadlok sa mga botante o tagasuporta it mga kuntra nga kandidato.
Ku nagtaliwan nga dominggo, nagpaandam ro Regional Task Force to End Local Communist Armed Conflict (RTF-ELCAC) sa mga kandidato kuntra sa pagtao it suporta sa Communist Party of the Philippines – New People’s Army (CPP-NPA).
Base pa kay assistant Provincial Prosecutor Flosemer Chris Gonzales, spokesperson it RTF-ELCAC, ro sin-o man nga magtao it suporta sa mga komunista hay magapangatubang sa pag-eapas sa Anti-Terrorism Financing Act of 2012 ag Anti-Terror Act of 2020. /JIL B. LACSON See less
