30 drug personalities sa probinsiya it Aklan ro naaresto sa 28 anti-drug operations ku nagtaliwan nga dag-on, raya hay base sa statistics it drug war it Philippine Drug Enforcement Agency (PDEA-Aklan).
Ginpahayag man it PDEA nga 187 ka mga kabarangayan sa Aklan ro may drug-cleared status nga halin sa 220 drug-affected areas.
Dugang pa dikara, presente nga may 107 ka mga barangay hay sa idaeom it mahugot nga monitoring para sa pagpadayon nga uwa it iligal nga droga ro mapuslit sa nasambitan nga mga lugar.
Nasayuran it ahensya nga ginabuoe it mga drug personalities ro supply sa Capiz ag Batangas agud ibaligya sa Aklan.
Maabong mga drug personalities sa Boracay Island ro naaresto sa ginhiwat nga buy-bust operations nga naghalin sa eain nga mga probinsya.
Ginhambae ni Provincial Officer Investigation Agent V Jane Fatima Tuadles nga naging madinalag-on ro drug war bangud sa ginpabaskog nga koordinasyon ag suporta it Philippine National Police ag stakeholders./JIL B. LACSON
