LEGAZPI CITY – Padagos na pigbabantayan kan Philippine Institute of Volcanology and Seismology (PHIVOLCS) an mga pyroclastic density current events o uson kan Bulkang Mayon bilang basehan sa pagbaba ninda kan alert level status kaini.
Sa intrevista kan Brigada News FM Legazpi kay PHIVOLCS Resident Volcanologist Dr. Paul Alanis, sinabi niya na pwedesir nang maibaba an alert level kan bulkan kun sa duwang semana, wara nin mairerehistrong mga uson.
Alagad, sa ngunyan igwa pa man giraray na mga nairerehistrong uson kaya dai pa sindang rason nganing ibaba an alerto kaini.
Segun kay Alanis, an uson an pinakanakakagadan asin peligroso siring kan mga nangyari kan 1993 asin 2013 na nagkawsa nin casualties kaya ini an saindang pigbabantayan ngunyan.
Oras na mag zero PDC na sa laog nin duwang semana, ibababa na an alert levels.
