NAGSUMITE na kahapon, Enero 9 ng kanyang “courtesy resignation” si Sorsogon Police Provincial Office Director PCol Dionisio Laceda.
Kasama ang 5 pang Provincial Directors ng Bicol at ng component city ng Naga, ipinakita nito ang kanyang courtesy resignation sa pamamagitan ng ‘photo ops’ hawak ang naturang papel.
Ang mga kopya ng courtesy resignations ay ipapadala sa tanggapan ng PNP at NCR Police Office (NCRPO).
Ito ay bilang pagkasa sa hamon ni Department of the Interior and Local Government (DILG) Secretary Benhur Abalos na magsumite ng courtesy resignation ang mga full-fledged Colonel at Generals sa layong matanggal ang mga opisyal na sabit sa sindikato ng iligal na droga.
Pagpapakita ito ng Poilce Director ng PNP Sorsogon na suportado niya ang hangarin ni Abalos na malinis ang hanay ng pambansang pulisya mula sa pagkakasangkot sa iligal na droga.
Tuloy pa rin ang trabaho ni Laceda habang hindi naaaprubahan ang kanyang courtesy resignation.
