FULL-PLEDGE na isip City Director sa General Santos City Police Office si PCol. Nicomedes Olaivar Jr. epektibo Nobyembre 24, 2023.
Dako ang pagpasalamat ni Col. Olaivar sa pagsalig kaniya sa katawhan lakip na ang mga opisyal sa LGU. Sa paglingkod niini isip labaw sa kapulisan sa syudad lima matud pa ka focused agenda ang iyahang pagatutokan una mao ang agresibo ug tinood nga law enforcement operations, ikaduha, masiguro ang moral ug kaayohan sa kapulisan, ikatulo ang pagpalambo sa integridad sa matag-usa, ika-upat palamboon pa niini ang pagpakatag og impormasyon ug komunikasyon sa katawhan ug ikalima, ang pakiglambigit sa komunidad. Kahibaloan bulan sa Agosto ning tuiga milingkod si PCol. Olaivar isip Officer-in-charge sa GSCPO hulip kang PCol. Jomar Alexis Yap.
Siya usab ang kanhing labaw sa Sarangani Provincial Police Office sulod sa usa ka tuig ug onse ka bulan. Paningkamotan matud pa sa opisyal nga masulbad ang mga kriminalidad sa GenSan aron luwas kining kapuy-an sa mga tawo ug luwas sab alang sa mga turista. I Enamie Mogpon
–
