All-set na ang 22 manlalaro ng Pilipinas na magbigay karangalan sa bansa sa paparating na 2024 Paris Olympic Games.
Ayon kay Philippine Olympic Committee (POC) president Abraham “Bambol” Tolentino, nasa huling bahagi na ang mga atleta para sa kani-kanilang paghahanda sa kauna-unahang pinagsamang training camp sa Metz, France.
Plano rin sana nilang ipatupad ang kaparehong programa noong kampanya ng Pilipinas sa Tokyo Olympics, ngunit hindi ito nagawa dahil sa mga paghihigpit na dala ng pandemya.
Dahil dito, kompiyansa si Tolentino na mas marami pang medalya ang makukuha ng Pilipinas kaysa sa apat na nasungkit sa Tokyo.
