Natukoy na ng Philippine Coast Guard ang pagkakakilanlan ng may-ari ng inabandonang Merchant Vessel Mirola-1 sa Mariveles, Bataan.
Ayon sa PCG, Mary Jane Ubaldo ang pangalan ng may-ari ng naturang barko.
Sinabi umano ng may-ari na natakot silang i-report sa mga otoridad ang insidente dahil ito ang unang pagkakataong nalagay sila sa ganitong sitwasyon.
Matatandaang natagpuan ang MV-Mirola 1 na bahagyang nakatigilid matapos na sumadsad sa mababaw na bahagi ng karagatan ng Mariveles, Bataan.
May karga itong 2 drum ng heavy fuel oil at 3,000 litro ng diesel.
