Inanunsyo ni Philippine Amusement and Gaming Corp. chairman Alejandro Tengco, na nasa Singapore na ang umano’y authorized representative ng na-raid na POGO sa Porac, Pampanga na Cassandra Li Ong.
Ayon kay Tengco, nakuha nila ang impormasyong ito sa Philippine National Police.
Sinabi ni Tengco na si Ong ang sinasabing sinamahan ni dating presidential spokesperson Atty. Harry Roque noong Hulyo 2023 para makipag-usap sa PAGCOR hinggil reapplication ng lisensya ng Lucky South 99 POGO.
Si Ong din ang umanoy girlfriend ng kapatid ni suspended Bamban, Tarlac Mayor Alice Guo.
Kasama rin si Ong sa listahan ng immigration lookout bulletin kabilang si Mayor Guo at kapatid nito dahil sa pagkakasangkot sa human trafficking at ilan pang ilegal na aktibidad.
