Pinaghahandaan na ng Philippine Coast Guard ang pinangangambahang makaabot sa Manila Bay ang paglawak ng oilspill sa Bataan.
Ayon kay PCG spokesperson Rear Admiral Armand Balilo, ang oil spill ay hindi muna sa industrial fuel cargo kundi sa makina ng lumubog na Motor Tanker Terra Nova.
Mababatid na lumubog nitong Huwebes ang tanker na may dalang 1.4 milyong litro ng industrial fuel sa Limay, Bataan.
Target ng PCG na maglagay ng mga floating barrier para mapigil ang oil spill.
