Inamin ng Estados Unidos na sila umano ang nasa likod ng pagpapakalat ng propaganda sa Pilipinas para siraan ang Sinovac na bakuna ng China noong kasagsagan ng COVID-19 noong 2020 at 2021.
Inamin umano ito ng United States Department of Defense sa isang dokumento na bene-verified pa sa ngayon.
Nakasaad sa naturang dokumento na nagkaroon ng missteps hinggil sa COVID related messaging.
Inamin din nito na “misaligned with our priorities” ang anti-vaccine propaganda, na ginawa bilang pagganti sa China matapos nitong sabihin na ang Estados Unidos ang nagpakalat ng COVID-19.
Mababatid na isa ang Sinovac sa mga naunang bakuna na naging available sa Pilipinas noong panahon ng pandemya.
