“ Nagapakita, ang syudad sang Bacolod ang handa para sa dugang nga investment nga magasulod”, ini amo ang reaksyon ni Frank Carbon, ang Chief-Executive Officer sang Metro Bacolod Chamber of Commerce and Industry kag subong man Area Director kag Vice President for Visayas sang Philippine Chamber of Commerce and Industry may kaangtanan sa paghingalan sa syudad “ bilang Most Business-Friendly Local Government Unit award sa karon nga 2021 sa highly-urbanized city (HUC) category.
Sandig kay Carbon ang paghatag sang nasambit nga titulo para sa Bacolod nagapatimaan sang nagasangkad nga dalagan sang pang-negosyo upod ang basic support halin sa local government unit kag sang tanan nga bagay nga kinahanglanon para mga negosyante nga magbu-bo sang ila kuarta sa syudad.
Dugang pa ni Carbon bangud sa amo nga award, ang ciudad ang yara nahamtang sa investment radar sang mga dalagku-an nga mga kumpaniya sa pungsod bisan pa sa kalibutan.
Ang Most Business Friendly Local Government Unit Award ang tuigan nga pagpasidungog ginahatag sang PCCI sa tanan nga mga LGU’s halin sa provincial, city kag municipal level kag isa ka marketing tool agud buligan ang LGU nga mapresentar ukon mabaligya ini sa mga dalagko nga investors.
