LEGAZPI CITY – Pig-enganyar ni Presidente Ferdinand “Bongbong” Marcos, Jr. an mga paraoma asin parsisira na naapektaran kan El Niño na dai masupog magrani sa mga alkalde, gobernador, barangay kapitan o ano pa man na mga ahensya de gobyerno nganing maghagad ki tabang para makapagpuon liwat sa saindang hanapbuhay.
Dakol kaya sainda an mga naapektaran kan epekto kan El Niño na namatean sa Albay, Masbate, asin sa kataraid pang mga probinsya sa Bicol, kun sain 19,000 na pamilya o 300 na mga barangay an nawaran nin pananom nin paroy, mais asin iba pa.
Dugang pa kan presidente, padagos an saindang pakikipagkoordinar sa mga ahensya de gobyerno na tabangan an mga nangangaipo asin pigsyerto niyang maipapaabot asin maitatao an serbisyo sa mga naghahagad nin tabang.
Mientrastanto, pinasalamatan man ni Marcos an mga pamilyadong parasisira asin paraoma sa saindang ginigibong sakripisyo tanganing masiyerto an food security sa kada probinsya.