Inihayag ni Pangulong Ferdinand “Bongbong” Marcos Jr. na matatagalan pa bago ma-stabilize ang ekonomiya ng bansa, sa harap na nagsimula na ang kanyang administrasyon na i-institutionalize ang mga pagbabago.
Paliwanag ni Marcos, hindi naman magbibigay ng agad-agad na resulta ang kanyang mga direktiba at kautusan sa loob ng ng isang araw.
Sa gitna nito, positibo ang pangulo, na babagal naman ang inflation rate, habang minomonitor ng kanyang administrasyon ang mga ekonomiya ng ibang mga bansa gaya ng United States, China, Japan, South Korea, at Singapore.
Ayon sa punong ehektubo, nais niya matuto mula sa mga best practices at kaalaman ng ibang mga bansa. //MHEL PACIA-TRINIDAD
