Pinangunahan ni Pangulong Bongbong Marcos ang inagurasyon ng Sorsogon Sports Arena ngayong araw.
Bago ang pagsisimula ng programa, nagkita at nagkamayan sina Pangulong Marcos at ang dati nitong mahigpit na katunggali sa pulitika na si dating Vice President Leni Robredo.
Maaalalang si Robredo ang kalaban noon ni Pangulong Marcos sa pagka bise presidente taong 2016 at sa Presidential race taong 2022.
Ayon naman kay Senate President Chiz Escudero, sya ang nag imbita sa dating Bise Presidente para samahan syang salubungin ang Pangulo.
Samantala kasama naman ni Pangulong Marcos sa naturang event ang mga tumatakbong senador na pambato ng administrasyon sa ilalim ng Alyansa ng Pagbabago.
