LEGAZPI CITY – Kinumpirmar ni Albay Gov. Edcel “Grex” Lagman na nakatalaan nang tawan nin magkakanigong aksyon ni Presidente Ferdinand “Bongbong” Marcos, Jr. asin ni Secretary of Interior and Local Government Benhur Abalos an pangyayari sa Libon, Albay katakod kan sunod-sunod na insidente nin panggagadan sa mga elehido asin mga madalagan para sa maabot na eleksyon sa barangay.
Segun sa gobernador, ini an kasimbagan makalihis an saiyang paghagad ki tabang nganing mapundo na an “senseless killings” na maikokonsiderar komo heinous crime na kinakahandalan kan mga residente sa lugar.
Magkakaigwa man sinda nin pag-orolay kaibahan si PRO5 Regional Director PBGen. Westrimundo Obinque, asin Libon MPS Chief of Police PCapt. Allan Paul Sodsod nganing magbilog nin lakdang dapit sa mga kasong ini.
Magigirumduman, pigplanuhan ni Lagman na hagadon sa presidente na isairarom sa “red alert” an bilog na banwaan huli kan mga nasambit na kaso.
