DAMGO ni Brigada Elmer V.Catulpos ang makiangayon ug patas nga opurtunidad sa pageskwela.
Kabahin sa GenSan Dream ang edukasyon tungod kini tulid nga dalan sa paglambo sa kinabuhi sa usa ka tawo.
Sa karon, aminado si Catulpos nga lisod ang mag-eskwela tungod sa kadako sa gastos, sama sa dugang kwarta alang sa load sa internet ug pagpalit og ubang gadget sama sa computer o cellphone.
Karon nga may pandemya, nabati sa Ama ng Brigada ang kasinatian sa mga ginikanan labi na kadtong naglisod sa inadlaw adlaw nga panginabuhi, mao nga gustong mahatag sa tanan ang patas nga opurtunidad.
Gihingusgan niini nga dili angayang may gipaboran, sama sa scholarship tungod kadtong may maayong grado lang ang mahatagan og kahigayunan apan wala sa dili tantong taas ang grado, mapasagdan bisan nga handum usab sa pamilya nga makalampos sa pagtungha.
Sama sa iyang GenSan dream, nga maangkon ang kahamugaway sa kinabuhi, kalambuan sa syudad sama sa nahitabo sa Singapore, kini ang maangkon kung tanan ang magtinabangay ug may lider nga may panglantaw kon unsa ang ugma ug may maayong solusyon sa mga nag-unang problema sa katilingban.
