Kinilala ng Valenzuela City Police Station ang katapatan ng isang Grab driver na nagsauli ng naiwang pera at ATM cards sa kaniyang sasakyan.
Si John Ryan Reyes – isang pastor at grab driver, ay personal na nagtungo sa istasyon ng pulis para i-surrender ang mga ito.
Kuwento niya, na-pick-up niya ang pasahero niyang Vietnamese sa Buendia, at ibinaba sa Caloocan City.
Naiwan umano ng pasahero ang kaniyang cardholder na naglalaman ng pera, IDs, at mga ATM cards.
Sinubukan pa niya itong contact-in, pero nabigo siya.
Imbis na itago – isinurrender na lang niya ito sa mga pulis.
