Padayong nangandam ang lokal nga kagamhanan alang sa sa tinuig nga pagpahigayon sa Davao Pasko Fiesta nag gigahinan og dakong pondo alang sa mga premyo nga iapod-apod.
Kini human gibutyag nga andam na ang P255,000 cash prizes kung diin lakip sa aktibidad nga giandam mao ang Star ng Pasko: Parol ng Pamilyang Dabawenyo Competition diin dunay P25,000 nga premyo alang sa grand winners.
Moabot usab sa tulo ka mananaog ang makadawat og P20,000 sa Family Tiktok Ngayong Pasko: Online Family Dance Competition diin moluntad sa 30-60 seconder Tiktok video dancing ginamit ang Christmas Song o official theme song sa Davao Pasko Fiesta ang mahimong entry.
Tulo usab ang modaog ug matag winner sa Himig ng Paskong Dabawenyo: Online Family Caroling Competition salmotan sa mga pamilya nga mokanta ug Christmas song o portion sa official Davao Pasko Fiesta nga adunay P20,000 ang pahalipay.
Alang sa Paskong Litrato ng Pamilyang Dabawenyo: A Family Christmas Photo Contest nga gikuha sulod sa panimalay, tulo ka mga family grand winners ang makadawat og P10,000
Samtang laing tulo ka grand winners ang makadawat ug tig-P10,000 sa Christmas Cards of Hope: Ang Davao Pasko Fiesta Family Christmas Card Making Competition.
Kwalipikado nga makaapil sa maong mga aktibidad ang mga
pamilya nga adunay upat ka mga miyembro, residente sa dakbayan ug atleast one year sa mismong petsa sa kompetisyon ug kinahanglan mosumite og resident certificates ang pamilya.
Giawhag ang pamilya nga planong moapil nga bisitahon ang Davao Pasko Fiesta Facebook page alang sa mechanics ug ang schedules sa mga pa-contest.
