Pwedeng gawing pasilidad para sa mga government agencies ang mga ni-raid at forfeited na mga buildings ng mga POGO.
Ayon kay Presidential Anti-Organized Crime Commission (PAOCC) Undersecretary Gilbert Cruz, hindi bababa sa 5 na-raid na POGO hubs ang kasalukuyang sumasailalim sa civil at criminal forfeiture.
Aniya, ang pinorfeit (forfeit) na POGO sa Pasay ay ginagamit na ng DSWD para sa mga na-rescue na mga biktima.
Ginawa na rin umano itong kulungan ng mga nahuhuli sa POGO dahil kulang Bureau of Immigration sa kanilang mga kulungan.
Binigyang-diin din nito na ang POGO sa Porac, Pampanga ay maaaring gawing paaralan.
Sa huli, sinabi ni Cruz na 402 pang mga ilegal na POGO ang kanilang hahabulin.
