Tila hindi interesado ang ilang senador sa layong pagbabago ng Salingang Batas.
Ito’y sa kabila ng pagsusulong ng Kamara na talakayin ang charter change sa susunod na taon.
Nakulitan si Sen. Imee Marcos sa pahayag ni House Speaker Martin Romualdez na uunahin nilang talakayin ang charter change sa bagong taon, hinila pa niya na baka may gusto mag-prime minister kaya isinusulong ang Cha-Cha.
Depensa naman ni House Deputy Speaker Rep. Aurelio Gonzalez na walang pinag-uusapang pagsusulong ng prime minister ang Kamara.
Giit naman ni Sen. Chiz Escudero may mga punto na dapat gawin ang mga nagtutulak ng Cha-Cha gaya ng kung anong mga probisyon ang gusto nilang baguhin at anong proseso ang gagawin sa pag-amyenda sa konstitusyon.
Sinabi pa ni Escudero kung walang malinaw na punto ay hindi pa akmang magbigay ng posisyon sa Cha-Cha.
Para naman kay Sen. JV Ejercito hindi magugustuhan ng publiko ang pagna-nais ng Kamara na isulong ang Charter Change.
Bukas naman sa usaping Cha-Cha si Sen. Koko Pimentel pero para lang sa pagbabago ng porma ng gobyerno patungong Pederalismo at hindi sa pagpapalawig ng termino ng mga politiko.
