LEGAZPI CITY – Nakaresibe na ki P100,000 na insentibo an panibagong centenarian sa banwaan kan Camalig, Albay.
Binisto ining si Lola Petra Serrano na kakaselebrar pa sana kan saiyang ika-100 na taong kumpleanyo, kun sain personal na itinao san kwarta sa pagbisita ninda Social Welfare Officer 2 Focal on Centenarian kan Department of Social Welfare and Development, asin mga personahe kan Municipal Social Welfare and Development asin Office of the Senior Citizens Affairs kaibahan si Mayor Caloy Baldo.
Mientrastanto, an programang ini, nasa irarom kan Centenarians Act of 2016 na may mandatong magtao ki dugang na benepisyo sa mga senior citizens na nakaabot sa edad na 100 nganing mapamati an appreciation sa gabos nindang kontribusyon sa komunidad.
