Siyam pang OFWs mula sa Lebanon ang nakauwi na ng Pilipinas ngayong araw.
Ang mga naturang OFW kabilang ang limang bata ay naipit sa tensyon sa kaguluhan sa Israel.
Ayon sa Department of Migrant Workers o DMW, ligtas na nakalapag ang commercial flight ng mga ito at sinalubong ng iba’t-ibang ahensiya ng pamahalaan.
Tiniyak naman ng ahensiya ang tulong na ipagkakaloob sa kanila ng gobyerno.
Ang mga Pilipinong repatriates ang ika-19 na batch na nakauwi sa Pilipinas mula sa nabanggit na bansa.
Sa kabuuan mayroon nang 111 OFWs ang nakauwi ng bansa galing sa Lebanon.
