Magatal-os bilang panibag-o nga hepe sang Hinigaran Municipal Police Station si PLTCOL. Edwardo Corpuz nga sadto anay nagserbe bilang hepe sang Provincial Drug Enforcement Unit (PDEU) sa probinsiya sang Negros Occidental.
Magabulos si Corpuz sa kay PLTCOL. Clifford Batadjay bilang hepe sang Hinigaran.
Suno kay Corpuz nga prayoridad sini ang pag-implementar sang kahilwayan kag katawhayan sang banwa, subong man nga mangin hilway sa iligal nga druga.
Dugang pa, si Corpuz ang isa man ka malawig na nga eksperyensya sa pag-uyat sang isa ka unit sang PNP.
Nahibaluan, nga si Corpuz ang ika-duha naman ka beses nga nangin hepe sang Victorias City Component Police Station tinalikdan nga 2017 kag 2019 nangin hepe man sang San Carlos, kag nagpungko bilang Deputy City Director for administration sa Probinsiya sang Iloilo.
Sa piyak nga bahin, ginapawagan naman sang Deputy Chief of Police PLCAPT. Voltaire Sy sang Hinigaran ang kampayan sa pagsuksok sang fully face helmet sang mga motorista bangud sa padayon nga pagsaka sang vehicular accident kag kalabanan sa mga rason sang kamatyon sang biktima amo ang wala sang suksok nga helmet.
