Arestado ang isa ka pangayaw kag ginakabig Street Level Individual (SLI) sa ginkasa nga drug buy bust operation sa isa ka lodging house sa Barangay Tiza, Roxas City.
Ginkilala ang naaresto kay Jeric Brillo Salvador alyas “Bryan Muslim”, 30-anyos kag residente sang Barangay Bonga, Panay, Capiz.
Nakuha sa paghinakop ni Salvador ang 7 tanan ka sachets sang ginapatihan shabu lakip na ang nabakal sang police poseur buyer, mga drug paraphernalia kag P2,500 nga buy bust money.
Ginabanta nagabug-at sang 23 gramos ang nakumpiskar nga iligal nga droga kag may Standard drug price nga P156,400.
Magapangatubang sang kaso nga paglapas sa RA 9165 ukon Comprehensive Dangerous Drugs Act of 2002 ang nadakpan.
Sa karon, yara sa kustodiya sang Roxas City PNP ang suspetsado para sa nagakaigo nga disposisyon. | Judy Ann Juare
