Pinangunahan ni House Speaker Martin Romualdez ang inspeksyon ng ilang Philippine Offshore Gaming Operators o POGO hubs sa Tarlac at Pampanga ngayong araw.
Ayon kay Romualdez, ang desisyon ay base sa rekomendasyon sa mga naunang pagdinig ng House Committee on Public Order and Safety at Committee on Games and Amusement upang personal nilang makita ang sitwasyon sa POGO sites.
Kasama ni Romualdez sa inspeksyon sina Senior Deputy Speaker Aurelio Gonzales Jr., Santa Rosa City Representative Dan Fernandez, Iloilo Representative Janettte Garin, Surigao del Norte Representative Robert Ace Barbers at mga opisyal ng Presidentiaal Anti-Organized Crime Commission sa pangunguna ni Undersecretary Gilbert Cruz.
Unang tinungo ng mga kongresista ang Zun Yuan Technology Inc. POGO hub sa Bamban, Tarlac.
Pinasok din nina Romualdez ang Lucky South 99 POGO hub sa Sta. Cruz, Porac, Pampanga kung saan ilang gamit ang nakumpiska.
Kabilang na rito ang torture equipment, Chinese military uniforms, mga gamit na SIM cards at iba pa.
Kasama pa sa mga ininspeksyon ang Warehouse 1 ng Empire 999 Realty Corp sa Mexico, Pampanga.
