Naunsyami ru pang gasto sa fiesta matapos hapiton it uwa makilaeang suspek nga eaeaki ru mga pinamakae nga dressed chicken sa sueod it Kalibo Public Market.
Suno kay Lheya Santos, igkampod it biktima, makita sa CCTV footage nga nagpakuno-kono ru suspek nga naga bakae man it manok.
Kat naka chansa, dinaea it suspek paeayo ru plastic bag nga may sueod nga dressed chicken nga nakatongtong sa papag.
Tuman ka kibot it biktima kat bumalik nga uwa eon ru pinamakae nga mga manok nga pag gasto konta sa fiesta it Brgy Pook Togbungan sa banwa it Kalibo.//MARIVIC Y. ILIN
