Gikomperma sa kadumalahan sa Commission on Population and Development (POPCOM) Caraga nga daghay mga teenagers ang nangaburos ning rehiyon sa panahon sa pandemya.
Sumala ni Alexander Makinano, ang Regional Director sa PopCom Caraga, wala man tuod silay insaktong datos nga mahatag, apan, base sa ilang monitoring sa matag Rural Health Unit (RHU) sa rehiyon, sagad sa mga nagsabak nag-edad 15 anyos hangtod 19 anyos.
Giklaro sa opisyal, sagad sa mga nangburos mao hinoon kadtong mga teenagers nga inahan kinsa duna nay daang kapuyo o mga anakan nang daan sa wala pa ang pandemya.
Mas mitaas matod pa ang ihap sa mga nangaburos panahon sa pandemya sanglit taas-taas ang oras sa ilang panag-uban sa panimay tungod sa limitadong adlaw sa paggawas.
