Nagpatigayon sang isa ka pagsinapol ang Solid Waste Management Board sang lokal nga gobyerno sang Panay.
Ginpresentar diri ni Emmanuel Dulla, Focal Person sang Solid Waste Management ang updates sa pag-implementar sang mga programa para matigayon nga mahimos ang basura sa nasambit nga banwa.
Gin-istoryahan man sa amo nga sinapol ang mga tikang nga pagahimuon para mas mapasanyog ang programa sa solid waste kapareho sang No Plastic Day kag ang pagstrikto sang segregation sang basura.
Nahibaluan nga dako ang nangin development sang banwa pag-abot sa Solid Waste Management, mas nangin matinlo na ang palibot kag regular nga nagakolekta ang garbage truck sang basura agud masiguro ang matinlo kag mahimos ang palibot.
