KALIBO,AKLAN—Tinakawan it uwa makilaeang suspek ru sangka kilaeang pampublikong eskwelahan sa Brgy. Old Buswang, Kalibo, Aklan.
Sa report, tinakaw it suspek ru cash nga nagabalor it Php4,000 nga nabuoe sa canteen; dugang nga cash nga Php1,900; laptop bag nga naga balor it P1,500; laptop charger nga naga balor man it P1,500 samtang, nakita man nga gin samad it suspek ru daywang (2) two door steel cabinet nga naga balor it Php16,000; ap-at (4) ka mga drawers nga steel cabinet nga naga balor it P6,500.
Nakita sa CCTV footage nga may tabon nga eambong ru uyahon it suspek nga sangka eaeaki rason nga indi mikilaea ag nagsueod pa sa principal’s office, admin’s office ag canteen.//MARIVIC Y. ILIN
