Target ng lalawigan ng Pampanga na makagawa ng 2,337 na oil spill booms na gawa mula sa coconut husk, plastic bottles, lubid, nets, at bamboo para magamit bilang paghahanda laban sa posibleng oil spill.
Kaugnay nito ay pinulong ni Governor Dennis Pineda ang ilang miyembro ng Incident Management Team para tutukan ang produksyon ng mga oil spill booms sa lalawigan na ginagawa sa Material Recovery Facility (MRF) sa Lubao.
Ayon sa Provincial Government, prayoridad na lagyan ng oil booms ang mga coastal areas ng Brgy. Mabuanbuan at Bangcal Pugad (Sasmuan), Pagtalo River (Bgry Baruya & Gumi, Lubao), at Bangkung Malapad (Sasmuan) na tinatayang nasa 30-km ang layo mula sa lumubog na MT Terra Nova sa Limay, Bataan.
Pinag-usapan ng grupo kung papaano mas mapapabilis ang produksyon at pag-install ng mga ito sa mga katubigan.//Jen Bayot-BNFM OLONGAPO
PHOTO: Pampanga PIO
