-Daina Gerona
KABANKALAN CITY, Negros Occidental — Desidido nga magpasaka sang kaso ang pamilya sang ginlabo-patay nga caretaker sang punong sang alimango nga sI Dennis Ambong alyas “butchok” sa Brgy. Bocana, banwa sang Ilog Batok sa suspek nga ginkilala sa Kay Mario Arcisal nga residente sang Mabinay, Negros Oriental, caretaker sang isa ka Punong sa amo man nga banwa.
Base sa interbyu sang Brigada News FM sa tiya sang biktima nga si Milagros Andrade, nga nabilin ang t-shirt kag flashlight sang suspetsado sa kilid sang bangkay ni Butchok, kag gilayon ini nga wala na nagpakita.
Suno pa Kay Milagros, nga nakapanugid ini ang Iya nga hinablos nga si Butchok, nga sang tinalikdan nga tatlo ka semana, nangayo sang bulig sa iya ang asawa sang suspetsado bangud nga naka-agom ini sang pagpanakit ukon kastigo.
Dugang pa, nagligad naman nga adlaw bag-o nagluntad ang insidente, liwat nga nagpangayo sang bulig ang asawa ni Mario sa Kay Butchok, kag iya man sini nga ginlaygayan si Mario nga indi pagsakiton ang Iya nga asawa.
Dugang pa, sa pagpamangkot sang pulis sa Kay Mario, wala nagasanto ang iya nga sabat sa panaysayon sang mga tindira sa Tyange, nga ini ang nagma-oy mga las 8:00 sang gab-e bangud nga wala siya ginpa-utang sang ilimnon.
Sa karon, may nagagwa nga mga alegasyon, nga may yara na sang pending cases sa pagpatay si Mario.
Sa pihak nga bahin, ginapanindugan man sang pila ka mga paryente ang abyan ni Butchok nga ini ang wala sang gamo nga klasi sang tawo.*
