NAGPAGAWAS og sentimyento ang pamilya sa pipila ka gikonsiderang Persons Of Interest (POI) sa pagpatay sa 7-anyos nga si Arian.
Dungan sa paggula sa resulta sa gihimong DNA analysis asa nag-negatibo ang unom ka POI nga mipailawom sa eksaminasyon.
Matud ni alyas Helen, misis sa usa ka POI nga si alyas Poy-poy nga paggula sa balita kalabut sa resulta sa forensic examination.
Naibtan sila og tunok gumikan apektado ang ilang pangabuhian tungod dili na kini makatrabaho.
Samtang social media ang gigamit sa pamilya sa usa pa ka POI sa paggawas sa maong resulta.
Luyo sa resulta, butyag ni Police Major Robert Fores, hepe sa Police Station 9 nga ipasaka nila karong semanaha ang kaso sa piskalya.
Base sa gigunitan nga testimonial ug circumstantial evidence nga gigunitan sa mga pulis. I Richel Gubalani