Matapos nga gintangisan ag ginpatukaran it musika it pamilya Tenorio ro ginapatihan nga bangkay ni Ramon Tenorio, nadiskubrehan it anang mga kaanak nga maeain nga bangkay ro nag-abot sa andang baeay sa Barangay Canasayan, Pilar, Capiz ku Setyembre 14.
Base sa maeapit nga kaanak it nagtaliwan nga eaeaki nga si Marilou Turao, imbes nga bangkay ni Ramon, bangkay it sambilog ka taga-Lemery ro gindaea it St. Peter sa baeay.
Insigida man raya nga ginreport it pamilya sa nasambitan nga punerarya. Pero gin-advisan eamang sanda it taga-St. Peter nga maghueat eamang it tatlo ka adlaw ag mabalik sa normal ro hitsura it bangkay.
Kaangut dikara, ginsunod man it pamilya ro hambae it taga-punerarya pero uwa it natabo nga pagbag-o sa histura it patay. Nagduda pa ang ro ananfg pmilya it namatay bangud iba ang suksok nga eambong it patay.
Nakumpira eamang nga bukon raya si Ramon Tenorio kat may nakita nga tattoo sa bangkay.
Nagpangayo man it pasensiya ro mga taga-St. Peter sa andang saea pero nakaplano eun ro pamilya Tenorio nga pasakaan it kaso ro punerarya./ JIL B. LACSON
