WALAY pag-usbaw sa singil sa pamasahe sa mga pampasaherong van gikan sa Gensan padulong sa Sarangani Province.
Bisan pa nga misaka ang presyo sa produktong petrolyo apan wala sila nagpataas og singil sa mga pasahero nga mosakay.
Ang regular nga pamasahe gikan Gensan padulong sa Maitum anaa sa 230, padulong sa Kiamba 200 pesos ug sa Maasim 100 ang regular singil sa pamasahe.
Matud ni Maviz driver nga taga Barangay Tambler arang-arang kung mo-ubos na ang presyo sa gasolina aron makabawi sila sa ilang kita bisan dili na patas-an ang pamasahe.
Dili matud pa sila makasingil og dako kay basin wala nay mosakay nga pasahero, susama lang nga naapektuhan ang mga driver ug pasahero tungod sa pagtaas sa produktong petrolyo.
Gilauman sa mga driver nga mobalik na sa normal ang presyo sa gasolina, krudo, ug gas aron dili na malisdan sa pagpamasada ang tanang pampasaherong sakyanan. I Enamie Mogpon
