Tiniyak ng Palasyo na handa ang gobyerno na tulungan ang mga Pilipino na makaalis sa Ukraine sa gitna ng nagpapatuloy na pananakop ng Russia doon.
Sinabi ni acting presidential spokesperson Karlo Nograles na nangunguna sa isipan ng Pangulo ang kaligtasan ng mga Pilipino sa Ukraine.
Ipinunto niya na sa tulong ng Department of Foreign Affairs ay umuusad na ang repatriation efforts para sa mga Pilipino na nasa Ukraine.
Umapela naman ang DFA sa mga Pilipino sa Ukraine na huwang mag-panic, at tiniyak sa kanila na lahat sila ay matutulungan at maidadala sa mga ligtas na lugar.
Una nang sinabi ni Foreign Affairs Secretary Teodoro Locsin Jr. na pumayag ang Poland na payagan ang mga Pilipino na palabas ng Ukraine na makapasok sa kanilang bansa kahit walang visas.
