LEGAZPI CITY – Riparuhon asin i-monitor dapat kan mga veterinary heads kan lambang lokal na gobyerno an pagpapautob kan mga programa kontra rabies siring kan pagbabakuna sa mga atamang hayop.
Ini an pangapodan ni Laws, Rules and Oversight Committee Chairman BM Atty. Melissa Abadeza-Armedilla, kun sain sinabi niya sa intrevista kan Brigada News FM Legazpi na naoogma siya na igwa ki mga nagboboluntad sa barangay na suportaran an siring na mga programa, alagad dai dapat pabayaang iwalat ini sainda.
Segun pa saiya, dapat i-maximize an pondo sa pag-implementar kan pagbabakuna ki anti-rabies, asin dapat reparuhon man an budget pag-abot sa pagbakuna kaitong mga nakagat nin hayop.
Sa ngunyan kaya, igwa ki tulong pasilidad sa probinsya na nagbabakuna ki libre sa mga tawong nakagat nin mga hayop na infected ki rabies, alagad duwang dose sana nin bakuna an kayang itao nin libre sa mga pasyente.
