‘LIVE each day as if it is our last,’ ang mind set matud pa ni Atty. Art Cloma, kinsa mipapili sa pagka bise mayor sa GenSan sa 2022 elections.
Segun niini kung unsa ang mahimo nimong kaayohan sa isig katawo, kini ang himuon ug dili na maghulat pa sa sunod adlaw.
Samtang sa pakigsandurot sa mga katawhan nabati ang tumang kalisod sa kinabuhi sa daghang katawhan sa GenSan, dala na usab sa pandemya.
Luyo nga may gahum ang gobyerno nga matubag ang kalisod sa kinabuhi sa mga katawhan, kulang gihapon kini sa resources mao nga nangita na lang og kaugalingong pamaagi ang yanong katawhan aron mabuhi.
Mao matud pa kini ang rason nganong gustong mahimong kabahin sa gobyerno si Atty.Cloma, tungod gusto usab nga mapagaan ang kalisod nga gisagubang sa mas daghang katawhan.
Lakip sa mga angayang maduso nga balaudnon ang makatabang sa mga kabus, mga protected sector, trabahante ug ekonomiya.
