Kinumpirma ng Presidential Task Force on Media Security (PTFoMS) na kusang sumuko sa National Bureau of Investigation (NBI) si Joel T. Reyes, dating gobernador ng Palawan.
Pinaghahanap si Reyes dahil sa kasong pagpatay sa brodkaster na si Dr. Gerry Ortega noong 2011 sa Puerto Princesa City.
Kilalang kritiko si Ortega ng katiwalian sa lokal na pamahalaan noong termino ni Reyes.
Noong nakaraang taon, inilabas ng Regional Trial Court ng Puerto Princesa ang arrest warrant kay Reyes matapos itong pirmahan ni Palawan RTC Branch 52 Presiding Judge Angelo Arizala.
